LAV.mov 2019

A dúas primeiras semanas de outubro volve o LAV.mov: cursos de formación audiovisual e concurso de curtas express no Laboratorio Audiovisual de Vedra.

Que é o LAV.mov?

Dúas fins de semana de actividades independentes en outubro de 2019:

OBRADOIROS DE FORMACIÓN

• Iniciación ás curtametraxes. Retratando a realidade, con Illa Bufarda (sábado 5, domingo 6 e sábado 12 de outubro // 22 horas)
• Pensar e contar unha serie de TV, con Pepe Coira (sábado 5 e domingo 6 de outubro // 14 horas)
• Dirección de fotografía: cámara e iluminación en documentais e ficción, con Jaime Pérez (sábado 5 e domingo 6 de outubro // 14 horas)

Inscrición aberta ata o 27 de setembro. 15 prazas por obradoiro. Garántese a realización dos obradoiros que conten cun mínimo de 7 persoas inscritas.

Non se admitirán inscricións de menores de 14 anos. Os menores de entre 14 e 17 anos necesitarán unha autorización asinada por nai, pai ou titor/a legal.

As persoas socias de Senunpeso e as veciñas de Vedra contan cun desconto do 50% na matrícula.

FESTIVAL DE CURTAS EXPRESS

Venres 11, sábado 12 e domingo 13 de outubro:

• 48 horas para facer en equipo unha curtametraxe de menos de 5 minutos.
• Premio de 1.000 € á mellores curtametraxe.
• Con mentores asesorando nas fases de planificación, rodaxe e montaxe.

Inscrición aberta ata o 7 de outubro. Número máximo de equipos: 15. Garántese a realización do concurso cun mínimo de 4 equipos participantes.

Non poderán participar menores de 14 anos. Os menores de entre 14 e 17 anos necesitarán unha autorización asinada por nai, pai ou titor/a legal.